ଓଡ଼ିଶା ଲିଡ୍ସ(ଯାଜପୁର): ଦାନଗଦି ବ୍ଲକ୍ ଧୂଳିଗଡ଼ ପଞ୍ଚାୟତର ବରିଷ୍ଠ ବିଜେଡି ନେତା, ଯୁବ ବିଜେଡ଼ି, ମହିଳା ବିଜେଡି କର୍ମକର୍ତ୍ତାମାନଙ୍କୁ ନେଇ ଏକ ବୈଠକ ଆୟୋଜିତ ହୋଇ ଯାଇଛି । ପଞ୍ଚାୟତ ସ୍ତରରେ ସଂଗଠନକୁ ଆହୁରି ସୁଦୃଢ଼ କରିବା ପାଇଁ ଏହି ସାଂଗଠନିକ ବୈଠକ ଅନୁଷ୍ଠିତ ହୋଇଥିଲା । ବୈଠକରେ ବିଜେଡିର ବରିଷ୍ଠ ସାଧାରଣ ସମ୍ପାଦକ ତଥା ପୂର୍ବତନ ମନ୍ତ୍ରୀ ଇଂ ପ୍ରୀତିରଞ୍ଜନ ଘଡାଇ ମୁଖ୍ୟଅତିଥି ଭାବେ ଯୋଗଦାନ କରିଥିଲେ ।
ଦଳର ମୂଳ ଭିତ୍ତିକୁ ଶକ୍ତିଶାଳୀ କରିବା ସହିତ ଆଗାମୀ ଦିନରେ ଲୋକଙ୍କ ସମସ୍ୟା ଓ ଆକାଂକ୍ଷାକୁ ଆହୁରି ନିକଟରୁ ବୁଝି ସେବା କରିବା ପାଇଁ କର୍ମୀ ଓ ନେତା ମାନେ ମତ ପୋଷଣ କରିଥିଲେ ।
ମୁଖ୍ୟଅତିଥି ଇଂ ପ୍ରୀତିରଞ୍ଜନ ଘଡାଇ କହିଥିଲେ, କର୍ମୀ ଏକତା ଓ ଉତ୍ସାହର ସହିତ ଲୋକଙ୍କ ସମସ୍ୟା ବୁଝନ୍ତୁ । ଦଳୀୟ କର୍ମୀମାନଙ୍କର ଏହି ଏକତା, ଉତ୍ସାହ ଓ ସମର୍ପଣ ଭାବନା ନିଶ୍ଚୟ ଆଗାମୀ ଦିନରେ ସଂଗଠନକୁ ଆହୁରି ଶକ୍ତିଶାଳୀ କରିବ ବୋଲି ଆଶା କରୁଛି।
