ଓଡ଼ିଶା ଲିଡ୍ସ(ବ୍ୟୁରୋ): ୨୦୨୬ ଆଇପିଏଲ ର ଫାଇନାଲ ମ୍ୟାଚ ପୂର୍ବରୁ ଲକ୍ଷ୍ନୌ ସୁପର ଜାଏଣ୍ଟର ଅଧିନାୟକ ଋଷଭ ପନ୍ତ ଦଳର ଅଧିନାୟକ ପଦ ଛାଡ଼ିଦେଇଛନ୍ତି । ତାଙ୍କୁ ଦଳ ୨୭ କୋଟି ଟଙ୍କା ଦେଇ କଣିଥିଲା। ସେ ଆଇପିଏଲ ଇତିହାସର ସବୁଠାରୁ ଦାମୀ ଖେଳାଳି ମଧ୍ୟ ହୋଇଥିଲେ। ଦୁଇଟି ସଂସ୍କରଣରେ ସେ ଲକ୍ଷ୍ନୌର ନେତୃତ୍ୱ ନେଇଥିଲେ ବି ନିଜ ପ୍ରଦର୍ଶନ କିମ୍ବା ଦଳର ପ୍ରଦର୍ଶନରେ ଆଦୌ ପ୍ରଭାବିତ କରି ପାରି ନାହାନ୍ତି। ପନ୍ତ ଅଧିନାୟକ ପଦ ଛାଡ଼ିଥିବା ପ୍ରାଞ୍ଚାଇଜ ପକ୍ଷରୁ ଅବଗତ କରାଯାଇଛି। ଲକ୍ଷ୍ନୌ ଚଳିତ ଆଇପିଏଲରେ ପଏଣ୍ଟ ଟେବୁଲର ସବୁଠାରୁ ତଳେ ରହିଥିଲା। ଦଳ ଆଇପିଏଲରେ ନିଜର ଅଭିଯାନ ଶେଷ କରିବା ପରେ ପନ୍ତ ଅଧିନାୟକ ପଦ ଛାଡ଼ିବାକୁ ଚାହୁଁଥିବା ପ୍ରାଞ୍ଚାଇଜ ନିକଟରେ ଅନୁରୋଧ କରିଥିଲେ। ଏ ସମ୍ପର୍କରେ ଲକ୍ଷ୍ନୌ ସୁପର ଜାଏଣ୍ଟସର କ୍ରିକେଟ ଡିରେକ୍ଟର ଟମ ମୁଡି ଏକ ପ୍ରେସ ରିଲିଜରେ କହିଛନ୍ତି ।
ପନ୍ତ ଦୁଇଟି ସଂସ୍କରଣରେ ନେତୃତ୍ୱ ନେଇଥିଲେ ମଧ୍ୟ ଲକ୍ଷ୍ନୌ ପ୍ଲେ ଅଫକୁ ଯାଇ ପାରି ନାହିଁ।୨୦୨୬ରେ ଲକ୍ଷ୍ନୌ କେବଳ ୧୪ଟି ଲିଗ ମ୍ୟାଚରୁ ୪ଟି ମ୍ୟାଚ୍ ଜିତିବାକୁ ସକ୍ଷମ ହୋଇଛି । ୨୦୨୫ରେ ପନ୍ତଙ୍କ ନେତୃତ୍ୱରେ ଲକ୍ଷ୍ନୌ ୬ଟି ମ୍ୟାଚ ଜିତିଥିଲା। ଆଇପିଏଲରେ ଲକ୍ଷ୍ନୌ ପନ୍ତଙ୍କ ନେତୃତ୍ୱରେ ୨୮ଟି ମ୍ୟାଚ୍ ମାତ୍ର ୧୦ଟିରେ ବିଜୟ ହାସଲ କରିପାରିଛି।
ପନ୍ତ ଅଧିନାୟକ ସମୟରେ ତାଙ୍କ ବ୍ୟାଟିଂ ମଧ୍ୟ ନିମ୍ନଗାମୀ ହୋଇଛି। ୨୦୨୫ରେ ସେ ୧୪ଟି ମ୍ୟାଚ୍ରେ କେବଳ ୨୬୯ ରନ କରିପାରିଥିଲା ବେଳେ ୨୦୨୬ରେ ସେ ୩୧୨ ରନ କରିପାରିଛନ୍ତି।
