ଓଡ଼ିଶା ଲିଡ୍ସ(ଯାଜପୁର): ସୁକିନ୍ଦା ନିର୍ବାଚନ ମଣ୍ଡଳୀରେ ବିଜୁ ଜନତା ଦଳ ସଂଗଠନ ମଜବୁତ ହେଉଛି । ପୂର୍ବତନ ମନ୍ତ୍ରୀ ତଥା ବିଜେଡି ବରିଷ୍ଠ ସାଧାରଣ ସମ୍ପାଦକ ଇଂ ପ୍ରୀତିରଞ୍ଜନ ଘଡାଇ ପଞ୍ଚାୟତ ନିର୍ବାଚନ ପୂର୍ବରୁ ନିର୍ବାଚନ ମଣ୍ଡଳୀ ଅଧିନରେ ଥିବା ସୁକିନ୍ଦା ଓ ଦାନଗଦି ବ୍ଲକରେ ପଞ୍ଚାୟତ ସ୍ତରରେ ଦଳୀୟ ସଙ୍ଗଠନକୁ ମଜବୁତ କରୁଛନ୍ତି । ଏହି କାର୍ଯ୍ୟକ୍ରମରେ ଜିଲ୍ଲା ସ୍ତରୀୟ ନେତୃମଣ୍ଡଳୀଙ୍କ ସହିତ ବ୍ଲକ ଓ ପଞ୍ଚାୟତ ସ୍ତରୀୟ ନେତୃମଣ୍ଡଳୀ ଯୋଗଦାନ କରି ବିଭିନ୍ନ ବିଷୟରେ ଆଲୋଚନା କରୁଛନ୍ତି । ଆଜି ଦାନଗଦି ବ୍ଲକ ଯଖପୁରା ପଞ୍ଚାୟତ ଠାରେ ଦଳୀୟ କାର୍ଯ୍ୟକ୍ରମ ସହିତ କମିଟି ଗଠନ ହୋଇଛି । ଏହି କାର୍ଯ୍ୟକ୍ରମରେ ଇଂ ପ୍ରୀତିରଞ୍ଜନ ଘଡାଇ ଯୋଗଦାନ କରି ନେତୃମଣ୍ଡଳୀ, କର୍ମୀ ଓ ସାଧାରଣ ଲୋକଙ୍କ ସହିତ ବିଭିନ୍ନ ବିଷୟରେ ଆଲୋଚନା କରିଥିଲେ । ଏହା ପରେ ପଞ୍ଚାୟତ ସ୍ତରୀୟ କମିଟି ଗଠନ କରାଯାଇଥିଲା ।
ଏହି କାର୍ଯ୍ୟକ୍ରମରେ ଦାନଗଦି ବ୍ଲକ୍ କାର୍ଯ୍ୟକାରୀ ସଭାପତି ଜଗନ୍ନାଥ ଧିର, ଜିଲ୍ଲା ବିଜେଡି ଉପ ସଭାପତି ଲୋକନାଥ ଧିର, ବରିଷ୍ଠ ବିଜେଡି ନେତା ପ୍ରଦୀପ କୁମାର ମହାନ୍ତି, ପୂର୍ଣ୍ଣଚନ୍ଦ୍ର ବିଶ୍ୱାଳ, ରାଧାମୋହନ ବିଶ୍ବାଳ, ବସନ୍ତ ରାଉତ, ସତ୍ୟସୁନ୍ଦର ପାଲ, କାଳନ୍ଦୀ ସେଠୀ, ଜିତେନ୍ଦ୍ର କୁମାର ବ୍ରହ୍ମଙ୍କ ସହିତ ଜଖପୁରା ପଞ୍ଚାୟତର ଆଗଧାଢିର ଶତାଧିକ କର୍ମୀ ଯୋଗଦାନ କରିଥିଲେ ।
