ଓଡ଼ିଶା ଲିଡ୍ସ(ବ୍ୟୁରୋ): ରାଜଧାନୀ ଭୁବନେଶ୍ୱରର ବିଧାନସଭା ଅଞ୍ଚଳ ହାଇ ସିକ୍ୟୁରିଟି ଅଞ୍ଚଳ ଅଟେ । ଏହି ଭଳି ସ୍ଥାନରେ ଜଣେ ମହିଳା ଉଠା ଦୋକାନୀଙ୍କୁ ବଟି ମାଗି ଯୁବକ ଦାଦାଗିରି କରିବା ସହିତ ତାଙ୍କୁ ଖଣ୍ଡାରେ ଆକ୍ରମଣ କରିବା ଉଦ୍ୟମ ଚର୍ଚ୍ଚାର ବିଷୟ ହୋଇଛି । ଏହା ସହିତ ରାଜଧାନୀ ପୋଲିସର ହୁଗୁଳା ବ୍ୟବସ୍ଥାକୁ ଏହି ଘଟଣା ପଦାରେ ପକାଇ ଦେଇଛି । ଯୁବକ ଜଣକ ବିଚ ରାସ୍ତାରେ ମହିଳା ଦୋକାନୀଙ୍କୁ ଖଣ୍ଡାରେ ଆକ୍ରମଣ ଉଦ୍ୟମ କରିଛି । ବଟି ନ ଦେଲେ ମାରି ଦେବାର ଖୋଲା ଧମକ ମଧ୍ୟ ଦେଉଛି ଯୁବକ ।
ବିଗତ ଦିନରେ ଯାତ୍ରାରେ ଅଭିନୟ କରୁଥିବା ଜଣେ ମହିଳା ଖାଦ୍ୟ ଷ୍ଟଲ୍ କରି ମଧ୍ୟାହ୍ନ ଭୋଜନ ବିକ୍ରି କରି ନିଜ ପରିବାର ଚଳାଉଛନ୍ତି । ଆଜି ଯୁବକ ଜଣକ ହଠାତ ସେଠାକୁ ଆସି ତାଙ୍କୁ ବଟି ମାଗିଥିଲା । ମହିଳା ଜଣଙ୍କ ବଟି ଦେବାକୁ ମନା କରିବାରୁ ତାଙ୍କୁ ଅଶ୍ରାବ୍ୟ ଭାଷାରେ ଗାଳି ଗୁଲଜ କରିଥିଲା । ମହିଳା ଜଣକ ଏହାର ପ୍ରତିବାଦ କରିବାରୁ ଖଣ୍ଡାରେ ଆକ୍ରମଣ କରିବାର ଉଦ୍ୟମ କରିଥିଲା ଯୁବକ ଜଣକ । ମହିଳାଙ୍କ ପାଟିଶୁଣି ସାଧାରଣ ଲୋକ ରୁଣ୍ଡ ହୋଇଯିବାରୁ ଦୃର୍ବୁତ୍ତକୁ ତାଙ୍କ ସମ୍ପର୍କୀୟ ଜଣେ ମହିଳା ସେଠାରୁ ନେଇ ଯାଇଥିଲେ ।
