ସଦର ଥାନାରେ ଯାଜପୁର ବ୍ଲକ୍ ଅଧ୍ୟକ୍ଷାଙ୍କ ଏତଲା
ଓଡ଼ିଶା ଲିଡ୍ସ(ଯାଜପୁର ସଦର): ଚଳିତ ବର୍ଷ ବନ୍ୟାରେ ଯାଜପୁର ବ୍ଲକର ବିଭିନ୍ନ ପଞ୍ଚାୟତ ପ୍ରଭାବିତ ହୋଇଛି। ବନ୍ୟାର ସ୍ଥିତି ଗମ୍ଭୀର ହୋଇଥିବାରୁ ବନ୍ୟା ସମୟରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ, ରାଜସ୍ଵ ମନ୍ତ୍ରୀ ସୁରେଶ ପୂଜାରୀଙ୍କ ସହିତ ଜିଲ୍ଲାର ସମସ୍ତ ବିଧାୟକ ଯାଜପୁର ଜିଲ୍ଲାର ବନ୍ୟା ଅଞ୍ଚଳ ଗ୍ରସ୍ତ କରି ପ୍ରଭାବିତ ଅଞ୍ଚଳର ଲୋକମାନଙ୍କ ସ୍ଥିତି ପରଖିଥିଲେ । ଏଭଳି ବିପତ୍ତି ସମୟରେ ଲୋକମାନଙ୍କୁ ସବୁ ପ୍ରକାରର ସାହାଯ୍ୟ ସହଯୋଗ ଯୋଗାଇ ଦେବାକୁ ଜିଲ୍ଲା ପ୍ରଶାସନକୁ ନିର୍ଦ୍ଦେଶ ଦେଇଥିଲେ ମୁଖ୍ୟମନ୍ତ୍ରୀ । ପରେ ଜିଲ୍ଲାର ଯାଜପୁର ବ୍ଲକର ବନ୍ୟା ବିପନ୍ନଙ୍କ ପାଇଁ ଗତ ୨୩ ତାରିଖ ରାତିରେ ପ୍ରଧାନମନ୍ତ୍ରୀ ଓ ମୁଖ୍ୟମନ୍ତ୍ରୀଙ୍କ ଫଟୋଚିତ୍ର ଥିବା ଏକାଧିକ ଟ୍ରକରେ ରିଲିଫ୍ ସାମଗ୍ରୀ ବ୍ଲକକୁ ଆସିଥିଲା । କିନ୍ତୁ ଗତ ରାତିରେ ଦୁବୃର୍ତ୍ତ ମାନଙ୍କ ଦ୍ଵାରା ରିଲିଫ୍ ବୋଝେଇ ଟ୍ରକ ଗୁଡ଼ିକ ହଡ଼ପ ହୋଇଥିବା ଜଣାପଡିଛି। ଏ ନେଇ ଯାଜପୁର ପଞ୍ଚାୟତ ସମିତି ଅଧ୍ୟକ୍ଷା ସ୍ୱର୍ଣ୍ଣଲତା ପରିଡ଼ା ସଦର ଥାନାରେ ଏକ ଏତଲା ଦେଇଥିବା ଜଣାପଡିଛି । ଅଧ୍ୟକ୍ଷାଙ୍କ ସହ ଯାଜପୁର ବିଧାୟିକାଙ୍କ ବ୍ଲକ୍ ପ୍ରତିନିଧି ପ୍ରକାଶ ତ୍ରିପାଠୀ, ବ୍ଲକ୍ ବିଜୁ ଜନତା ଦଳର ସଭାପତି ପରେଶ ବିଶ୍ଵାଳ, ତୁଷାରକାନ୍ତି ପରିଡ଼ା, ୩୦ ନମ୍ୱର୍ ଜୋନର ଜିଲ୍ଲା ପରିଷଦ ସଦସ୍ୟଙ୍କ ପ୍ରତିନିଧି ଅମିତ ରାଉତ, ମହେଶ୍ୱରପୁର ସରପଞ୍ଚ ସୁଜିତ୍ କୁମାର ରାୟ, ଜମଧର ସରପଞ୍ଚ ବାଦଲ ଖୁଣ୍ଟିଆ, ବିଚିତ୍ରପୁର ସରପଞ୍ଚ ଦେବାଶିଷ ପଣ୍ଡା, ବରୁଆଁ ସରପଞ୍ଚଙ୍କ ପ୍ରତିନିଧି ସେକ୍ ଗୋଲାମ ଅଲ୍ଲୀ, ଯୁବନେତା ଅଜୟ କୁମାର ମହାନ୍ତି, ବରିଷ୍ଠ ବିଜେଡି ନେତା ରସୁଲ ବକ୍ସ, ଶେଖ୍ ମୋଜାହିଦ୍ ପ୍ରମୁଖ ସଦର ଥାନାରେ ଉପସ୍ଥିତ ଥିଲେ। ପୋଲିସ ତୁରନ୍ତ ଏ ନେଇ ତଦନ୍ତ କରିବାକୁ ବିଜେଡି ପକ୍ଷରୁ ଦାବି ହୋଇଛି ।
